النهارده جيبلكو موضوع عن حاجة معظمكو كان بيسأل عنها وعن فوايدها وطريقتها وهى( المشــــــــــاط العشبى )
بصو ياقمرات أنا هبـــــــــــــدأ معاكو خطوة خطوة لحد ب أمر الله ما تعرفى كل شىء عن المشـــــــــــــــاط
بسم الله نبـــــــــــــــدأ
أولاً : شكل المشــــــــــــاط العشبــــــــــى
ثانيـــــــــاً : سعره
أنا جبته من عطار جمبى ب 14 جنيه و هو مصنع من حراز
ثالثـــــــــاً : وزن العلبة
250 جرام
رابعـــــــــــــــاً : مكواناته
1 - أزهار البابونج
2- أوراق الهندباء البرية
3 - أوراق الحريق ( القراص )
4 - أوراق الزيزفون
5 - أكليل الجبل ( حمص البان )
6 - أزهار القويسة العطرية
7 - أوراق الصعتر البرى
8 - أوراق الريحان
9 - بتلات الورود
10 - أزهار الخزامى
11 - زنجبيل هندى
12 - محلب أسود
13 - شيكاكاى هندى
14 - السندر ( بتولا بيضاء )
15 - أوراق السلبوت ( أبو خنجر )
16 - أوراق السرو ( عرعر )
17 - أزهار البسباسة
18 - حب الرشاد
19 - خردل أسود
20 - ثمار القرنفل
21 - ثمار الأرقطيون
خامســــــــاً : طريقة عمله
تخدى مقدار من العلبة ع حسب طول شعرك ياقمر وهيحتــــــــــاج قد أيه وتغليه مع كمية من المية
يعنى لكل 3 معالق كبيرة مشاط نصف لتر مية وتحطيه ع نار هادية لحد مايغلى و بعد كده تصفيه وتضيفى زيت زيتون فنجان متوسط ولو عاوزة تضيفى مجموعة زيوت عشان الشعر يتغذى أكثر يكون أفضل كمان تجيبى نصف لمون وتضفيها وتقلبى كل المقادير دى مع بعض
تروحى تغسلى شعرك كويس اوى بالشامبو والبلسم
وبعد كده تبتدى توزعى المشاط ع شعرك كويس وتقعديه ساعة ساعتين وكل ما يقعد اكثر بيكون افضل
ســــــــادساً : عدد مرات عمله
مرة كل اسبوع او اسبوعين
سابعــــــــــــاً : فوايده
1 - بيمنع تساقط الشعر
2 - بيحسن من نعومة الشعر مع التكرار
3 - بيساعد ع أطالة الشعر بسرعة ( من أهم فوايده )
4 - بيدى للشعر شكل لامع وحيويى
5 - بيزيد من سماكة الشعر
6 - بيعمل ع تنظيف الشعر ومنع القشرة
والنتيجة إن شــــــــــــــــاء الله تعجبكو ياقمرات بس أستمرى عليه فترة وهتلحظــــــــــــــى الفرق