من ينتصر لرسول الله؟ انتى واحدة منهم ولا لا

كلنا زعلانين جدا من هذا الفيلم المسئ
فى حق اشرف الخلق محمد صلى الله علية وسلم

لكن تفتكروا الفيلم دة اساء لمين
لرسول الله بالعكس
الفيلم دة لو فكرتوا شوية صغيرين
حتلقوة اساء لصانعية ولكل شخص اشترك فية
او شجعة او مولة

عارفين لية؟

لان كل من قرا فى سيرة رسول الله
من المستشرقين والفلاسفة والزعماء الشرفاء
الغير مسلمين الا وقد اقر بعظمة
رسول الله
ودة مش كلامنا احنا
ولا كلام مسلمين
ولو كنتوا بتابعوا المسابقات العالمية
كل سنة عن اعظم شخصية فى العالم
بالرغم ان رسول الله اكبر وارفع
من انة يتحط فى منافسة مع هؤلاء الناس
لكن كان بيفوز خير خلق الله باعظم
شخصية فى التاريخ
دة واقع لايقدروا يمحوة او يشوهوة بفيلم
لسة مش مصدقة ومستغربة!!!!!

طب تعالى اسمعى معايا القصة دى
رواها الشيخ العريفى

كان الشيخ العريفى بيحج فى احد الاعوام
فلقى فى الحج شابان بيتكلموا انجلش
وشكلهم مش عربى
فقرب منهم وسالهم
مين انتم وما وطنكم
رد واحد فيهم: وعرفة بنفسة وبصديقة
وقالوا احنا من امريكا
سالهم : متى اسلمتم
رد: اسلمنا من 5 شهور وجينا نحج
فستغرب الشيخ اسلموا من 5 شهور فقط
ورغم ذلك جاين يحجوا لبيت الله الحرام
سالهم الشيخ عن قصة اسلامهم
رد: احنا كنا بنعمل بلطجية
وكنا دايما نسمع فى خطابات بوش
بعد احداث 11 سبتمبر
كلمة الاسلام وكان بيرردها كتير فى خطاباتة
الاسلام... الاسلام...الاسلام
فحبينا نعرف اية هو الاسلام دة
وطبعا يوش كان دايما بيربطة بالارهاب والتطرف
وكان هدفة انة يشوة صورت الاسلام لكن.......
يمكرون ويمكر الله والله خير الماكرين

فلما قروا عن الاسلام وعرفوة حق معرفتة
اسلموا وتعلموا الدين الاسلامى
وجاءوا لمكة ليحجوا

وفى احصائية بتقول ان خلال سنة من تفجير برج
التجارة فى امريكا
اسلم نصف مليون امريكى
لان ربط تفجير برج التجارة والزعر والخوف اللى
حسوا بية ربطتة كل من يحقد على الاسلام
بالاسلام على انة دين العنف والقتل والتطرف
فحبوا الامريكان يعرفوا اية عدوهم دة عشان
يدافعوا عن نفسهم
فلم يجدوا غير انهم اسلموا حبا لهذا الدين

هما اساؤا لخير خلق الله
حقد علية وعلى سيرتة العطرة
فستقرا الناس فى سيرتة
فستعرف كذبهم وانا على يقين ان الله
سيرد مكرهم وسياسلم عدد كبير من الامريكان
كما حدث من قبل

حتيجى واحدة تقولى يعنى نسكت
ونرضى بكدة؟
طبعا لا والف لا
بس دى ناس متعرفش غير مبدا القوة
ومش معنى كدة اننا نقتل ولا نضرب ولا غيرة
حربنا دلوقتى مش بالايدين
لا دى حرب عقول وحرب اقتصادية
وحرب تكنولوجيا
طب نعمل ايو؟

الحرب الاولى

لازم نوجعهم اقتصاديا ودة حيوجعهم قوى
لية لان المادة هى اساس حياتهم
والمصالح الاقتصادية هى اللى بتحركهم
1- نقاطع جميع البضائع الامريكية بحق
ونستبدلها بمنتجات تانية والمنتجات التركية
غزت عندنا الاسواق ومنتجات جيدة جدا لحد ما يبقى
فى منتجات مصرية
يعنى ما تجيش فتوكة تقولى مقدرش استغنى عن
الاريل او الباميرز
مقدرش استغنى عن الكولا والبيبس
اتعبى شوية ودورى على البديل
لو عايزة تنصرى رسولك بحق مش كلام وبس

خلى بضاعتهم تبور
وتقعدلهم ويخسروا بالمبدا اللى هما يعرفوة
ساعتها حيفركوا كتييييييييير
قبل ما يهينوا اى رمز من رموز الاسلام

لا للمنتجات الامريكية

الحرب الثانية

حرب التكنولوجيا والانترنيت
ابتدى اكتبى مسجات عن رسول الله
قصيرة ومحددة وقوية
وترجميها وانشريها فى المواقع الغربية
او الفيس بوك والتويتر
عرفى الناس بخير خلق الله

كمان اكتبى رسايل عن احتجاج المسلمين
على الفيلم المسئ بكل اللغات
وانشريها عشان نقلب عليهم الراى الدولى

الحرب الثالثة

حرب المظاهرات للى يقدر
بس من غير عنف او ضرب
او تخريب او قتل
انا ضد العنف بكل الوانة لفظى او بدنى
برة يعرفوا يعنى اية احتجاج ومظاهرات
تهيج الراى العالمى دة شئ مش بسيط
دة ممكن ياثر فى البورصة بتاعتهم
لو حاسوا الاوربين وغيرهم ان الوطن
الاسلامى هاج عليهم وممكن يقاطع
المعاملات معاهم

دى الحروب

كل واحدة تقوم باللى تقدر علية فيهم
نصرة لخير خلق الله
بالعمل مش بالكلام
وانا اول واحدة ابتديت
قطعت المنتجات الامريكية
ابتديت انشر تصميمات وكلمات عن رسول الله
فى الفيس بوك والتويتر
وحاحاول انشر فى مواقع اجنبية

طب ازاى نمنع ان دة يحصل تانى

انا مقدرش اقول ان دة مش حيحصل تانى

لان كل ما بيزيد عدد المسلمين كل ما بيزيد الحقد من الحاقدين
فبيحاولوا يعملوا صور او افلام او مقالات يخدعوا بيها الغربين
ويشوهوا بيها صورة الاسلام ورسول الله

لكن اللى نقدر نعملة اكتر من نقطة:-

1- اننا نعرف رسول الله حق معرفتة لان للاسف فى مسلمين
لو سئلوا فى نقاط خاصة برسول الله من تعدد زوجات وغيرة
مبيعرفوش يردوا لانهم لا يعرفوة
اعرفى انتى رسولك الاول عشان تقدرى تدافعى عنة
وعشان ما يقدرش حد يتجرا علية

2- احياء سنتة ناس كتير بعدت عن سنن خير الخلق محمد صلى الله علية وسلم
واستبدلوها بعادات الغرب لتمدين
مستحيل تميتى سنة رسول الله ولا يتجرا علية رعاع القوم
احيواااااااااااااااااااا سنتة

3- ان نتوب الى الله ونكثر من الاستغفار لان البلاء ينزل بالعباد
من كثرة الذنوب
استغفرى كتيرررررررررررررررر

4- اكثروا من الصلاة على رسول الله
فى الليل والصباح

5- ودى بخص بيها قوى الفتوكات او المسلمات
المقيمين فى الدول الغربية كونى صورة حسنة للاسلام
خلى الغرب يشوفوا اخلاق رسول الله فيكى
للاسف فى بعض المسلمين العايشين فى الغرب
بيكونوا هما سبب تشوية الاسلام ورسول الله
كونى صورة حسنة باخلاقك ومعملاتك وتمسكك
يسنة نبيك واتباعة

ومعنديش كلام تانى غير

اتمنى يكون موضوعى افدكم وعجبكم
مستنية ردودكم وتقيمك

اتركم فى رعاية الله

جزاكى الله خيرا يا سوسو

مكارم الاخلاق كتب:: جزاكى الله خيرا يا سوسو

جزانا واياكم ياقلبى

» لغة العيون انتى لون عنيكى ايه؟
» هو انتى لسه مكسرتيش سن الابره ؟؟؟؟؟ طب تعالى معايا نكسرها
» عطر الرسول صلى الله عليه وسلم
» سجل حضورك بالصلاة علي النبي صلي الله عليه وسلم
» علاج مجرب لكل الامراض النفسية والجسدية بإذن الله