الحمد لله بقالى شهور بستعمل شوية حاجات كانت بالنسبة لى سحر اه والله سحر رهييييييييييب
اكتشفت ان الحاجات التجميلية اللى بنستعملها لشعرنا هى اللى بتقتله
وتوصلت بقى بعد الفحص والبحث والتمحيص والتجارب
لشامبو بنصح بيه اى حد اسمه بروتى كير
عملت عنه موضوع قبل كده
المهم بقى
الخلاصـــــــــــــــــــــة
اقسم بالله بقالى تقريبا سنة بأستعمله
قورتى صغرت جداااااااااااااااااااااااا
الشعر الصغنون ده بيزيد جدااااااااااااااااااااااااااااا فى كل فروة شعرى وخصوصا فى البداية من قدام عشان ده اللى بقدر اشوفه انما فروة الراس بحسها تقلت
بصى جربى ومش هتندمى وياسلام لو مش عندك مشكلة بالدورة الشهرية واستعملتى معاهم كبسولات بانتوجار هتدعيلى
اهم حاجة بقى تنسى شعرك
استعملى وانسى اقل حاجة 3 شهور ومش تزهقى
عيبه بقى بروتى كير ده
انه بينشف شوية
طب شعر ناشف والا قرعة بتزيد
انا شايفة ان النشفان له علاجاااااااااااااااات كتتتتتتتتتتتتتتتتتير
انما القرع له علاج كتييييييييييييييير بس حلنى بقى على ماتلاقى حاجة تجيب نتيجة مضمونه
تعالى بقى عالجى النشفان ده
بأيه ؟؟؟؟؟؟؟؟؟؟؟؟؟؟؟؟؟؟؟؟؟؟؟
هقولك
معلقة زبادى ومعلقة عسل نحل نوع نضيف ومضمون ومعلقة اى زيت عندك حتى لو زيت ذرة حتى لو معلقة زبدة صفرا حتى لو معلقة سمنة بلدى
بس مش زيت التموين طبعا
استعمليهم على بعض 3 مرات فى الاسبوع واتفرجى على اللمعان والنعومة والطراوة
وانسى النشفان والهيشان والنكشان واى حاجة من الحاجات اللى بترعب دى
المشط بقى اعمليه كده زى المضاد الحيوى مشطى 3 مرات فى اليوم بالراحة طبعا
بالكتير قوى من اليوم التالت مش هتلاقى اكتر من 5 شعرات وقعوا منك فى المشط ومع الوقت مش هتلاقى شعر بيوقع اصلا
نيجى بقى للدهان لفروة الراس
فى سحرين
الاول سبراى تريس الطبى
التانى اسبراى ليندو الطبى
ال2 نفس المفعول التحفة الساحر
انتى اتختارى بقى حسب السعر والحجم
واعملى كورس العلاج ده وتعالى لنا بعد شهر او شهرين او تلاته واحكيلنا
والله عمرك ما هتلاقى حاجات مفيدة للقرع اروع من الحاجات دى وعن تجااااااااااااااااااارب سنين السنين
وامانه عليكى لما تلاقى نتيجة ترضيكى ماتنسنيش بدعوة حلوة على زوقك بقى